«AMANAT» ПАРТИЯСЫ ТҮРКІСТАН ҚАЛАЛЫҚ ФИЛИАЛЫНДАҒЫ АЭС САЛУ МӘСЕЛЕСІ БОЙЫНША ӨТКЕН ЖИЫН

Бүгін «Amanat» партиясының Түркістан қалалық филиалы орналасқан ғимараттың мәжіліс залында елімізде атом электр стансасын салу мәселесін талқылау жөнінде бірқатар қоғамдық ұйымдар мен бірлестіктердің өкілдері және қала тұрғындарының қатысуында жиын өтті.

Жиын барысында сөйлеген Түркістан қалалық мәслихат төрағасы Ғаппар Сәрсенбаев пен осы жолдардың авторы қатысушы азаматтарға ҚР Президентінің ағымдағы жылдың 2 қыркүйегіндегі Жолдауынан туындайтын мақсаттар мен міндеттер жайлы түсіндіре келіп,өз сөздерімізде алдымыздағы жексенбіде өткелі отырған жалпыұлттық референдумға шығарылып отырған елімізде атом электр стансасын салу мәселесі мен көпшілік дауыс алған жағдайда салынатын атом электр стансасына қойылатын негізгі талаптар (қауіпсіздік шаралары, экологиялық қауіпсіздік, экономикалық тиімділік, құрылыстың сапалы болуы, мамандар дайындығы және т.б.с.с.) жайлы өзіміздің ой-пікірімізді жеткіздік, сөйтіп азаматтарды референдумға бір кісідей белсенді түрде қатысуға шақырдық,себебі әрбір азаматтың дауысы маңызды екендігін атап өттік.

Бақытжан БЕЙСЕМБАЕВ, «Бітімгер» медиаторлардың қоғамдық бірлестігінің басшысы, Түркістан облыстық Қоғамдық кеңес мүшесі және облыстық ҚХА жанындағы Медиация кеңесінің төрағасы